2070 වන විට බිලියන තුනකට අධික ජනතාවක් “ජීවත්විය නොහැකි තරමේ” උෂ්ණත්වයක් සහිත ස්ථානවල වාසය කිරීමට සිදුවන බව නව අධ්‍යයනයකින් හෙළි වී තිබේ.
හරිතාගාර වායු විමෝචනය අවම නොවන්නේ නම්, ඉදිරියේදී විශාල පිරිසකට සාමාන්‍ය උෂ්ණත්වය සෙල්සියස් අංශක 29කට වඩා වැඩි දේශගුණයක් යටතේ දිවි ගෙවීමට සිදු වනු ඇත.
මෙය පසුගිය වසර 6,000 පුරා මිනිසුන්ට දිවි ගෙවීමට "සුදුසු වූ" දේශගුණික තත්ත්වයෙන් පිටත සිදුවන දෙයක් ලෙස සැලකේ.
එක්සත් ජාතීන්ගේ ජනගහන ප්‍රක්ෂේපණ සහ සෙල්සියස් අංශක තුනකින් ගෝලීය උෂ්ණත්වය ඉහළ යාම යන දත්ත මත පදනම්ව මෙම පරීක්ෂණය සිදු කර තිබේ.
පැරිස් දේශගුණික ගිවිසුමට අනුව ක්‍රියාකරන රටවල පවා උෂ්ණත්වය සෙල්සියස් අංශක තුනකින් ඉහළ යන නැඹුරුවක් තිබෙන බව එක්සත් ජාතීන්ගේ වාර්තාවක සඳහන් වේ.
මිනිස් ජනගහනය පටු දේශගුණික කලාපවලට සංකේන්ද්‍රණය වනු ඇති අතර, සාමාන්‍ය උෂ්ණත්වය සෙල්සියස් අංශක 11-15ත් පමණ වන ස්ථානවල වාසය කිරීමට පෙළඹෙනු ඇත. සෙල්සියස් අංශක 20-25ක සාමාන්‍ය උෂ්ණත්වයක් සහිත ප්‍රදේශවල සුළු පිරිසක් ජීවත් වනු ඇතැයි අධ්‍යයනය වාර්තාවේ සඳහන් කර තිබේ.
No comments:
Post a Comment